Contenu
Ikker idjen n wuday tuɣ irettcel. Yiwey tameṭṭut tamezwart. I xfes yutef, ikker ad iqqen taflewt n tzeqqa nnes. Netta tuɣ iteqqn it s yict tɣunt tameqqṛant. Iqqim qaε maykk illa yiḍ illa iteqqen. l uyetca, illef i tmeṭṭut nnes. Ikker mullu nniḍen ircel. Yutef f tmeṭṭut nnes, ikker ad iqqen taflewt s tɣunt. Iqqim al dd yaley wass day ireddza a tt iqqen ul izmir. Ikker illef i tussent. Yiwey tenn nniḍen. Am umezwar, day yutef tazeqqa, ikker ad iqqen taflewt. Netta day irza ad issuyur taɣunt yawkan tekker teslit nnes agids teqqen. Inna-y-as : “ Cemm d tameṭṭut inuɣ ! D cemm ay tuɣ reddziɣ”. Anday.