Contenu
Idjen n ujellid yuɣ iεlem sent tsednan. Ikker ircel ; yiwey tenn nniḍen. Iwa tekker tettaṛew. Timezwar, usment zzis. qqiment teqqlent may-d as ala yyent. Ayen n tmeṭṭut, tuṛew idjen n ujeṛṛuḍ ; iffeɣ dd dis uyur i tenyert. Kkrent uyen n tsednan samant ayen n temẓuṛt al-d teṭṭeṣ, isint as mmis nekḍent as tileṭṭett nnes, yrent t i tejṛa, zerrent t ikk iɣẓeṛ. Isint afuḥ n idammen, Ṭlant ten ikk imi n yemmas. Ssitfent as tileṭṭett n mmis ikk imi nnes. I yutef ujellid l tiddart nnes, nnant as uyen n tsednan : Atan tetcu mmis, tedju dd day tileṭṭett nnes. Atef ad teqqled, tella i tzeqqa nnes. Ikker ujellid ad iqqel, yaf idammen d tleṭṭett ikk imi n uyen n temẓuṛt. Tekker dd uyen n tmeṭṭut ul tufi maykk ala tini.
Ajellid idjull teqqim ɣres tmeṭṭut itetten arra nnes. Inna "u tt tekkeɣ day d tayya, ad tṣeṛṛeḥ ileɣman, ad as ttitceɣ day abetbat am nettat am iyḍan." Ikker ikks as aseṛḍ nnes, issufɣ it ad teṣṛeḥ. Ayen tejṛa deg tuɣ ajeṛṛuḍ yisi tt yiɣẓeṛ wahli. Tekker yict twessart tuɣ teḍεen, temmater ayen n tejṛa. Tisi tt, taf dis ajeṛṛuḍ. Tisi t, tesseym i. Nettata d tamengurt. Iwa teqqim tesseyma t al-d imɣeṛ. Idjen n umullu, iffeɣ ittmunnuḍ al-d immater yict twessart. Tenna-y-as : Ruḥ manayen ssya tellid ttekked a wenn tetcu yemmas ! Manayen ? Yemmac, qqaṛen midden tetcu mmis ! Mani tella ? Tella wahli. Day ssten midden ad tafed ! Ikker idwel l tmeṭṭut t isseymen, inna-y-as qa may-d as tenna uyen n twessart. Tenna-y-as : Nettc ufiɣ cekk i tejṛa, yisi cekk yiɣẓeṛ !
Ukk nqeṛ n tfuyt, yisi yis nnes, iẓwa ad irza yemmas. Iẓwa isstun al-d yaweḍ yict tmurt. Immuter cṛa-n irgazen. Inna-y-asen : Ul tessinem cṛa n tmeṭṭut itcen mmis ay irgazen ? Nnan as ad iyur aṭṭaṣ, wahli al mi yiweḍ cṛa n iḍuṛaṛ, a di sen yaf yict tmeṭṭut tṣerreḥ ileɣman. Iẓwa ikkur, ikkur al-d yaweḍ. Immater yict tmeṭṭut tessikkwid, teccucen, qa teqquṛ. Issetn it : D cemm aykk itcen mmim a tameṭṭut ? A mmi ! mar illa w itetten taṛwa nnes ? Day d tisednan n ujellid ay zzi yusmen, nnant i midden d ujellid tciɣ mmi. Itninti d timengurin. Ha mani tzedɣed ? Iwa teccn as tazdeɣt nnes. Ikker ad as iseɣ aseṛḍ. I yutef l uyen n tiddart, yuf it n ujellid. Iqqim d ujellid ssawalen al dd tedwel twessart sikk ḍuṛaṛ.
Tutef l tiddart, tessitef ileɣman. Kkrent tsednan n ujellid ttcatent-ett al xefs ttmenzɣent. Nettata, ul tufi mala teyy : day ad telmeẓ. D amensi, illa ujellid d unuji nnes. Sad tcen. Inna-y-as uyen n unuji : Belleh ad tedjed ayen n twessart agid neɣ temmunsew. Inna-y-as ujellid : U xfes icni day ad ttec agd iyḍan. Maɣer w itcen taṛwa nnes itett d iwdan ! Inna-y-as unuji : Nettc u-lli sad i-dd ihwa umensi nnec day metta teqqim agid neɣ agd metta tedjid tett a gidi teṭṭeṣ ayu n yiḍ ! Idj it ujellid tetcu agid sen. I tetcu issitf it teṭṭeṣ agd unuji. I llan day s senn iyet sen, irza ɣres ad as tessiwel f wussan nnes. Iwa tenna-y-as qa may teẓṛu d may xfes ssekkent tsednan n ujellid sukk mezwar al unekkaṛu. Issetn it metta temmuter mmis ad tezmer a t tagez.
Tenna-y-as : Mmi ! ssneɣ t, iεlem yur i tenyert d ufus nnes ul iεlim tileṭṭett. Tella εad tessawal yawkan tagz i ; tenna-y-as : Cekk d mmi ! Teqqim till. Netta, ikker ittεawad as maykk iẓṛu. Ukk nqeṛ n tfuyt, inna-y-as ad tessired iman nnes, tiṛed aseṛḍ d as dd isɣu. Netta issiwel d ujellid, issetn i f uyen n tmeṭṭut. Inna-y-as metta ad izmer ad yagez mmis. Inna-y-as : Mmi, iεlem yur i tenyert. Ikker immater it zzats :
– Cekk d mmi ! Man ayu ? Manis dd tusid ? Mar tellid teddred ? Iqqim sad immet s lfeṛḥ . Idjull ad ineɣ tisednan nnes. Ikker issufɣ int, issufeɣ iyysan nnes, yass int ḍaṛ ukk yis, ḍaṛ ukk yis nniḍen, yacem in, azzlen, ttwaxeṛṛqent, mmant. Irru tameṭṭut nnes, yemmas n unuji. Yawey dd tameṭṭut tamezwart, tenn yufen tajṛa. Qqimen i tiddart n ujellid. Anday.
Ajellid idjull teqqim ɣres tmeṭṭut itetten arra nnes. Inna "u tt tekkeɣ day d tayya, ad tṣeṛṛeḥ ileɣman, ad as ttitceɣ day abetbat am nettat am iyḍan." Ikker ikks as aseṛḍ nnes, issufɣ it ad teṣṛeḥ. Ayen tejṛa deg tuɣ ajeṛṛuḍ yisi tt yiɣẓeṛ wahli. Tekker yict twessart tuɣ teḍεen, temmater ayen n tejṛa. Tisi tt, taf dis ajeṛṛuḍ. Tisi t, tesseym i. Nettata d tamengurt. Iwa teqqim tesseyma t al-d imɣeṛ. Idjen n umullu, iffeɣ ittmunnuḍ al-d immater yict twessart. Tenna-y-as : Ruḥ manayen ssya tellid ttekked a wenn tetcu yemmas ! Manayen ? Yemmac, qqaṛen midden tetcu mmis ! Mani tella ? Tella wahli. Day ssten midden ad tafed ! Ikker idwel l tmeṭṭut t isseymen, inna-y-as qa may-d as tenna uyen n twessart. Tenna-y-as : Nettc ufiɣ cekk i tejṛa, yisi cekk yiɣẓeṛ !
Ukk nqeṛ n tfuyt, yisi yis nnes, iẓwa ad irza yemmas. Iẓwa isstun al-d yaweḍ yict tmurt. Immuter cṛa-n irgazen. Inna-y-asen : Ul tessinem cṛa n tmeṭṭut itcen mmis ay irgazen ? Nnan as ad iyur aṭṭaṣ, wahli al mi yiweḍ cṛa n iḍuṛaṛ, a di sen yaf yict tmeṭṭut tṣerreḥ ileɣman. Iẓwa ikkur, ikkur al-d yaweḍ. Immater yict tmeṭṭut tessikkwid, teccucen, qa teqquṛ. Issetn it : D cemm aykk itcen mmim a tameṭṭut ? A mmi ! mar illa w itetten taṛwa nnes ? Day d tisednan n ujellid ay zzi yusmen, nnant i midden d ujellid tciɣ mmi. Itninti d timengurin. Ha mani tzedɣed ? Iwa teccn as tazdeɣt nnes. Ikker ad as iseɣ aseṛḍ. I yutef l uyen n tiddart, yuf it n ujellid. Iqqim d ujellid ssawalen al dd tedwel twessart sikk ḍuṛaṛ.
Tutef l tiddart, tessitef ileɣman. Kkrent tsednan n ujellid ttcatent-ett al xefs ttmenzɣent. Nettata, ul tufi mala teyy : day ad telmeẓ. D amensi, illa ujellid d unuji nnes. Sad tcen. Inna-y-as uyen n unuji : Belleh ad tedjed ayen n twessart agid neɣ temmunsew. Inna-y-as ujellid : U xfes icni day ad ttec agd iyḍan. Maɣer w itcen taṛwa nnes itett d iwdan ! Inna-y-as unuji : Nettc u-lli sad i-dd ihwa umensi nnec day metta teqqim agid neɣ agd metta tedjid tett a gidi teṭṭeṣ ayu n yiḍ ! Idj it ujellid tetcu agid sen. I tetcu issitf it teṭṭeṣ agd unuji. I llan day s senn iyet sen, irza ɣres ad as tessiwel f wussan nnes. Iwa tenna-y-as qa may teẓṛu d may xfes ssekkent tsednan n ujellid sukk mezwar al unekkaṛu. Issetn it metta temmuter mmis ad tezmer a t tagez.
Tenna-y-as : Mmi ! ssneɣ t, iεlem yur i tenyert d ufus nnes ul iεlim tileṭṭett. Tella εad tessawal yawkan tagz i ; tenna-y-as : Cekk d mmi ! Teqqim till. Netta, ikker ittεawad as maykk iẓṛu. Ukk nqeṛ n tfuyt, inna-y-as ad tessired iman nnes, tiṛed aseṛḍ d as dd isɣu. Netta issiwel d ujellid, issetn i f uyen n tmeṭṭut. Inna-y-as metta ad izmer ad yagez mmis. Inna-y-as : Mmi, iεlem yur i tenyert. Ikker immater it zzats :
– Cekk d mmi ! Man ayu ? Manis dd tusid ? Mar tellid teddred ? Iqqim sad immet s lfeṛḥ . Idjull ad ineɣ tisednan nnes. Ikker issufɣ int, issufeɣ iyysan nnes, yass int ḍaṛ ukk yis, ḍaṛ ukk yis nniḍen, yacem in, azzlen, ttwaxeṛṛqent, mmant. Irru tameṭṭut nnes, yemmas n unuji. Yawey dd tameṭṭut tamezwart, tenn yufen tajṛa. Qqimen i tiddart n ujellid. Anday.