Contenu
Idjen n wass, iffeɣ idjen n urgaz l wurtu nnes. Tuɣ ikkur s uḍaṛ. Yutf as uɣatir. Iqqim i tmurt. Ixes a t ikkes, ul izmir. Iqqim ammen al-d iḍεen idjen n uterras zzats :
– May cekk yuɣen ?
– Yutf i-dd uɣatir a tawmatt !
– Ha may teyyid ?
– Ul zmireɣ a t kkseɣ
– Ad ac t kkseɣ ! Ikks as t, issenḍw i l yidjen n iyṛan. Day izerr ayen n uɣatir yawkan inna-y-as urgaz amezwar :
– Maɣer tettzerrid ɣatir inuɣ ? Maɣer nniɣ ac a t id tekksed ? Iqqim uyen n uterras ireddza. Ul yufi. Inna-y-as :
– May sad ac yyeɣ ?
– Rza yi-dd ɣatir inuɣ !
– U t ufiɣ !
– Tessend ! Nettc, xseɣ day ɣatir inuɣ niɣ uc i-dd ibawen nnec.
Mmenɣen. Ukk nekkaṛu, yuc as ten uterras. Netta, tuɣ yisi ten ammen a ten iẓẓa. Bab n uɣatir, yisi ibawen, iṭṭef abrid nnes. Iyur al-d yaweḍ tiddart n umeddukel nnes. Yutef ɣres, inna-y-as :
– Aɣ ac ayu n ibawen, ffr in ɣrec maxef dd dekkwleɣ ! Iẓwa ittmenqeṛ al-d yaḥel. Idwel l umeddukel nnes ammen ad yisi ibawen nnes. Ikk yutef tiddart, yuf in ttwatcen s at tiddart. Netta, am umezwar, ixes ibawen nnes. Itnin, tuɣ tcen ten. Ul ufin may gids ala yyen. Ucn as taqbuct nsen. Yisi tt, iẓwa ittawel al zzat tiddart n iḍewlan nnes. Yutef ɣer sen, yuc asen taqbuct nnes ammen ad as tt ffren. Iffeɣ.
Ẓwan wussan, usen dd wussan. Idwel l iḍewlan nnes ammen ad yisi taqbuct nnes. I ten issten, nnan as :
– Iṛṛẓ it wufric nneɣ ! Irru xefsen :
– Nettc, ssneɣ taqbuct inuɣ, anday. Mzehharen. Ukk nekkaṛu, ucn as ufric iṛṛẓen taqbuct. Yisi t, iẓwa. Yiweḍ yict tiddart, isqubqeb. Ṛẓemn as taflewt at tiddart. Inna-y-asen :
– Ax awim, ḥḍat i-dd ufric-u, metta texsem ! Nettc, sad xeṭṛeɣ. Ṭṭfen t. Netta, iffeɣ ittmunnuḍ al yiḍ. Immuter tallest tabercant, inḍew s tufra l tiddart deg iffer ufric nnes. Inɣu t, iṛwel. I dd yuley wass, idwel ad irza ufric nnes. At tiddart, utfen a t rzan. Ufen t ittwanɣu.
Nnan as :
– Ufric nnec, immut ! Axemma d taserdunt ay t inɣen ! Inna-y-asen :
– Uct i-dd ufric inuɣ niɣ ad isiɣ taserdunt nwem ! Ucn as tt. Inyu tt, iẓwa yḍeṣṣ. Iffeɣ beṛṛa n uɣṛem nnes iqqaṛ :
– Ṣaḥḥak a hala Tucid i-dd ɣatir Ṣaḥḥak a ɣatir Tucid i-dd babu Ṣaḥḥak a babu Tucid i-dd qbuca Ṣaḥḥak a qbuca Tucid i-dd baεεa Ṣaḥḥak a baεεa Tucid i-dd cetta. Anday.
– May cekk yuɣen ?
– Yutf i-dd uɣatir a tawmatt !
– Ha may teyyid ?
– Ul zmireɣ a t kkseɣ
– Ad ac t kkseɣ ! Ikks as t, issenḍw i l yidjen n iyṛan. Day izerr ayen n uɣatir yawkan inna-y-as urgaz amezwar :
– Maɣer tettzerrid ɣatir inuɣ ? Maɣer nniɣ ac a t id tekksed ? Iqqim uyen n uterras ireddza. Ul yufi. Inna-y-as :
– May sad ac yyeɣ ?
– Rza yi-dd ɣatir inuɣ !
– U t ufiɣ !
– Tessend ! Nettc, xseɣ day ɣatir inuɣ niɣ uc i-dd ibawen nnec.
Mmenɣen. Ukk nekkaṛu, yuc as ten uterras. Netta, tuɣ yisi ten ammen a ten iẓẓa. Bab n uɣatir, yisi ibawen, iṭṭef abrid nnes. Iyur al-d yaweḍ tiddart n umeddukel nnes. Yutef ɣres, inna-y-as :
– Aɣ ac ayu n ibawen, ffr in ɣrec maxef dd dekkwleɣ ! Iẓwa ittmenqeṛ al-d yaḥel. Idwel l umeddukel nnes ammen ad yisi ibawen nnes. Ikk yutef tiddart, yuf in ttwatcen s at tiddart. Netta, am umezwar, ixes ibawen nnes. Itnin, tuɣ tcen ten. Ul ufin may gids ala yyen. Ucn as taqbuct nsen. Yisi tt, iẓwa ittawel al zzat tiddart n iḍewlan nnes. Yutef ɣer sen, yuc asen taqbuct nnes ammen ad as tt ffren. Iffeɣ.
Ẓwan wussan, usen dd wussan. Idwel l iḍewlan nnes ammen ad yisi taqbuct nnes. I ten issten, nnan as :
– Iṛṛẓ it wufric nneɣ ! Irru xefsen :
– Nettc, ssneɣ taqbuct inuɣ, anday. Mzehharen. Ukk nekkaṛu, ucn as ufric iṛṛẓen taqbuct. Yisi t, iẓwa. Yiweḍ yict tiddart, isqubqeb. Ṛẓemn as taflewt at tiddart. Inna-y-asen :
– Ax awim, ḥḍat i-dd ufric-u, metta texsem ! Nettc, sad xeṭṛeɣ. Ṭṭfen t. Netta, iffeɣ ittmunnuḍ al yiḍ. Immuter tallest tabercant, inḍew s tufra l tiddart deg iffer ufric nnes. Inɣu t, iṛwel. I dd yuley wass, idwel ad irza ufric nnes. At tiddart, utfen a t rzan. Ufen t ittwanɣu.
Nnan as :
– Ufric nnec, immut ! Axemma d taserdunt ay t inɣen ! Inna-y-asen :
– Uct i-dd ufric inuɣ niɣ ad isiɣ taserdunt nwem ! Ucn as tt. Inyu tt, iẓwa yḍeṣṣ. Iffeɣ beṛṛa n uɣṛem nnes iqqaṛ :
– Ṣaḥḥak a hala Tucid i-dd ɣatir Ṣaḥḥak a ɣatir Tucid i-dd babu Ṣaḥḥak a babu Tucid i-dd qbuca Ṣaḥḥak a qbuca Tucid i-dd baεεa Ṣaḥḥak a baεεa Tucid i-dd cetta. Anday.