Contenu
Idjen n wass, insi tuɣ imdukul d wuccen. Xsen ad acren mala tcen : itnin, tuɣ lluẓen. Ffɣen. Mmutren idjen n uṣeṛṛaḥ (ameksa). Ucern as idjen n wufric ameqqṛan. Yisi t wuccen l tenwalt nnes. Iqqen taflewt f yinsi. Idju t i beṛṛa.
Uccen, iɣres ukk ufric. Iqqim i jaj n tenwalt nnes. Insi, iqqim iqqaṛ as si beṛṛa :
– Uc i-dd wenn iteqqsen ikk lemsi !
– Dej iyi xfec !
– Uc i-dd wenn iccuffuten ikk lemsi !
– Dej iyi xfec !
– Uc i-dd wenn iẓẓinẓiṛen ikk lemsi !
– Dej iyi xfec !
– Uc i-dd day ilem nnes !
– Aɣ ac !
Yuc as ilem n wufric. Iṭṭf i yinsi. Yisi yict teɣrit. Iyyu iman nnes d bab n wulli ; iqqim ittcat ikk ilem n wufric. Cad mikk yutu tiyti, iẓga "Ay ! Maɣer d nettc ? Ac d wenn illan i jaj n tenwalt !" Iwa day tiyti, sent, isell wuccen. Ikkwed. Tuɣ iɣill d aṣeṛṛaḥ. Iṛwel. S tiwdi u-lli sa dd idwel al yiḍ.
Insi, netta, yutef l tenwalt n wuccen. Iqqen taflewt, itcu ufric. Iṭṭef ilem nnes, ifeqṛ i. Irru t id am tbuṣeyyart. Uccen, yuḥel, idwel ad yatef l tenwalt nnes. Yuf it teqqen. Issen d insi ay dis tuɣ yutfen. Inna-y-as :
– Uc i-dd wenn iteqqsen ikk lemsi !
– Ammen tennid llu !
– Uc i-dd wenn iccuffuten ikk lemsi !
– Ammen tennid llu !
– Uc i-dd wenn iẓẓinẓiṛen ikk lemsi !
– Ammen tennid llu !
– Uc i-dd day ilem nnes !
– Aɣ ac ! Izerr as t. Uccen, tuɣ iɣill sad yaf ilem am umezwar ; saεa yuf i am tbuṣeyyaṛt. Iẓwa wuccen iccuccen. Idjull ad iṭṭef insi tikkelt nniḍen. Anday.
Uccen, iɣres ukk ufric. Iqqim i jaj n tenwalt nnes. Insi, iqqim iqqaṛ as si beṛṛa :
– Uc i-dd wenn iteqqsen ikk lemsi !
– Dej iyi xfec !
– Uc i-dd wenn iccuffuten ikk lemsi !
– Dej iyi xfec !
– Uc i-dd wenn iẓẓinẓiṛen ikk lemsi !
– Dej iyi xfec !
– Uc i-dd day ilem nnes !
– Aɣ ac !
Yuc as ilem n wufric. Iṭṭf i yinsi. Yisi yict teɣrit. Iyyu iman nnes d bab n wulli ; iqqim ittcat ikk ilem n wufric. Cad mikk yutu tiyti, iẓga "Ay ! Maɣer d nettc ? Ac d wenn illan i jaj n tenwalt !" Iwa day tiyti, sent, isell wuccen. Ikkwed. Tuɣ iɣill d aṣeṛṛaḥ. Iṛwel. S tiwdi u-lli sa dd idwel al yiḍ.
Insi, netta, yutef l tenwalt n wuccen. Iqqen taflewt, itcu ufric. Iṭṭef ilem nnes, ifeqṛ i. Irru t id am tbuṣeyyart. Uccen, yuḥel, idwel ad yatef l tenwalt nnes. Yuf it teqqen. Issen d insi ay dis tuɣ yutfen. Inna-y-as :
– Uc i-dd wenn iteqqsen ikk lemsi !
– Ammen tennid llu !
– Uc i-dd wenn iccuffuten ikk lemsi !
– Ammen tennid llu !
– Uc i-dd wenn iẓẓinẓiṛen ikk lemsi !
– Ammen tennid llu !
– Uc i-dd day ilem nnes !
– Aɣ ac ! Izerr as t. Uccen, tuɣ iɣill sad yaf ilem am umezwar ; saεa yuf i am tbuṣeyyaṛt. Iẓwa wuccen iccuccen. Idjull ad iṭṭef insi tikkelt nniḍen. Anday.